Aallaqqaasiut

Sanaartornermi aningaasartuutit naleqqersuutaata, Kalaallit Nunaanni najugassatigut sanaartornerup ineriartornera, uuttorpaa. Sanaartornermi akit qaffariartornerisigut aningaasap nalingata appariartornerata ineriartornera sanaartornermilu isumaqatigiissutit naleqqussarnissaanut, naleqqersuut pingaarnertut atorneqartarpoq.

 

Saqqummersitami 1. januaari 2015 angullugu sanaartornermi aningaasartuutinut naleqqersuutit suliarineqarput. Naleqqersuutip naatsorsorneqarnerani 1. juuli 2013 uuttuut aallaaviusussaq nutaaq atuutilerpoq. Uuttuut sanaartukkap qanoq typeqarneranik aallaveqartumik, nunatsinni sanaartornermut naleqqunnerusunngorlugu suliaavoq.

 

Saqqummersitap sannaa

Saqqummersitami najugassaqarnikkut sanaartorneq kisiviat qiteritinneqarpoq, misissuinermi ineriartorneq tabelit atorlugit takutinneqarpoq (immikkoortuni 2 aamma 3). Matuma kingorna nalunaarsuutit aallaaviusut periaatsimilu aporfiusut matumunnga tunngasut misissorneqarput (immikkoortoq 4).

 

Kisitsisaataasivik

Kisitsisaataasivikkut periarfissaqarpoq kisitsisitigut paasissutissanik immikkut aallernissamik sammisani ataatsimoortuni, aningaasartuutit typiini piffissamilu allanngorartut ataqatigiissinnerisigut. Kisitsisaataasivimmi kisitsisit kalaallit, danskit tuluillu oqaasi atorlugit suliarineqarnikuupput tamanillu aaneqarsinnaallutik.